जेजुरीत भंडाऱ्याची उधळण का होते? जाणून घ्या परंपरेमागचं रहस्य

जेजुरीच्या गडावर खंडोबाच्या दर्शनासाठी लाखो भाविक दरवर्षी गर्दी करतात. “यळकोट यळकोट जय मल्हार” चा जयघोष करत भक्त भंडाऱ्याची उधळण करतात आणि संपूर्ण परिसर पिवळ्या रंगाने न्हाऊन निघतो. ही फक्त एक परंपरा नसून, श्रद्धा, भक्ती आणि आनंदाचा उत्सव आहे.

भाविक भंडाऱ्याला ‘सोने’ मानतात. ‘सोन्याची जेजुरी’ म्हणून ओळखल्या जाणाऱ्या या स्थळी भंडारा उधळून भक्त आपली श्रद्धा व्यक्त करतात. तसेच खंडोबाने मणि-मल्ल दैत्यांचा पराभव करून मिळवलेल्या विजयाचा आनंदही यामागे दडलेला आहे.
भंडाऱ्याचा पिवळा रंग भक्ती, चैतन्य आणि पवित्रतेचे प्रतीक मानला जातो. त्यामुळे जेजुरी गडावर येणारा प्रत्येक भक्त आपले दुःख, संकट खंडोबाच्या चरणी अर्पण करून आनंदाने हा उत्सव साजरा करतो.