सांगलीत भरदिवसा थरारक गोळीबार 😨 नेत्याच्या घरात घुसून हल्लेखोरांचा हल्ला

सांगलीत भरवस्तीत घडलेल्या धक्कादायक गोळीबाराच्या घटनेने संपूर्ण जिल्हा हादरला आहे.
माथाडी नेते बाळासाहेब बंडगर यांच्या घरात चार ते पाच अज्ञात हल्लेखोरांनी घुसून अंधाधुंद गोळीबार केला.

सायंकाळी सातच्या सुमारास झालेल्या या हल्ल्यात बंडगर यांचा १४ वर्षीय नातू वेदांत बंडगर गंभीर जखमी झाला.
त्याला तातडीने रुग्णालयात नेण्यात आले, मात्र डॉक्टरांनी मृत घोषित केले.

घटनेनंतर परिसरात मोठी खळबळ उडाली असून नातेवाईकांचा आक्रोश पाहायला मिळत आहे.
पोलिसांनी संपूर्ण परिसराची नाकाबंदी केली असून हल्लेखोरांच्या शोधासाठी विशेष पथके रवाना करण्यात आली आहेत.

प्राथमिक माहितीनुसार, हा हल्ला व्यावसायिक वादातून झाल्याचा संशय व्यक्त केला जात आहे.
या घटनेमुळे सांगली शहरात भीतीचे वातावरण निर्माण झाले आहे.