पुणे जिल्ह्यातील दौंड तालुक्यातून नानगाव येथे एका मुक्या बकरीने शेतातील पाणी प्यायल्याच्या कारणावरून वृद्ध मेंढपाळ कुटुंबावर अमानुष हल्ला करण्यात आल्याची माहिती आहे.रविवारी संध्याकाळी साडेपाचच्या सुमारास शेतात ही घटना घडली. आरोपींनी लोखंडी रॉड, दगड आणि लाथाबुक्क्यांनी मारहाण केल्याचा आरोप आहे.या प्रकरणी शेतमालक राजेंद्र खळदकर आणि तीन अनोळखी कामगारांविरोधात यवत पोलीस ठाण्यात गुन्हा दाखल करण्यात आला आहे. फिर्यादी मारुती केसकर यांनी न्यायाची मागणी केली असून या घटनेमुळे परिसरात संतापाचे वातावरण आहे. पोलिसांकडून पुढील तपास सुरू आहे.
