सातारा जिल्ह्यातील जावळी खोऱ्यात, प्रतापगडाच्या पायथ्याशी एक अत्यंत जागृत आणि ऐतिहासिक शक्तीपीठ आहे ते म्हणजे … श्रीरामवरदायिनी माता मंदिर!”
घनदाट वनराई आणि कोयना नदीच्या सान्निध्यात वसलेलं हे मंदिर केवळ एक धार्मिक स्थळ नाही, तर एक पौराणिक कथांनी जोडलेलं शक्तीपीठ आहे.
असं मानलं जातं की, माता सीतेच्या शोधात प्रभू श्रीराम या परिसरात आले होते… आणि याच ठिकाणी देवी पार्वतीने श्रीरामाची परीक्षा घेण्यासाठी सीतेचं रूप धारण केलं होतं. त्यानंतर ही देवी “रामवरदायिनी” म्हणून ओळखली गेली.
काही आख्यायिकांनुसार, प्रभू रामचंद्रांनीच या देवीची स्थापना केली होती.
काळ्या पाषाणातील हेमाडपंती शैलीत बांधलेलं हे मंदिर अत्यंत भव्य आणि प्राचीन आहे. गर्भगृहात रामवरदायिनी आणि वरदायिनी देवीच्या मूर्ती आहेत.
शिवकाळात छत्रपती शिवाजी महाराजांनीही या मंदिराच्या जीर्णोद्धारात योगदान दिल्याचे संकेत मिळतात.
नवरात्र आणि चैत्र पौर्णिमेला येथे मोठा उत्सव साजरा केला जातो.
👉 “निसर्ग, इतिहास आणि श्रद्धेचा संगम अनुभवायचा असेल, तर ह्या मंदिराला एकदा नक्की भेट द्या!”
