पालकांना कुरिअरने सर्टिफिकेट पाठवून मुलांना काढून टाकले अमनोरा इंग्लिश मिडीयम स्कुलवर पालकांचे गंभीर आरोप पालकांनी फी न भरल्याने पाऊल उचलले – स्कुल व्यवस्थापन

हडपसर/पुणे(रोखठोक महाराष्ट्र ऑनलाईन न्युज)
हडपसर साडेसतरानळी येथील अमनोरा स्कुलमधील सुमारे साडेचारशे विध्यार्थ्यांना शाळा व्यवस्थापनाने पोस्टाने शाळा सोडल्याचे दाखले पाठविले आहेत. त्यामुळे संतप्त पालकांनी आज शाळेच्या समोर आंदोलन  करून शाळा व्यवस्थापनाचा निषेध व्यक्त केला आहे.

याबाबत पालक सोनल कोद्रे यांनी सांगितले की २० मार्च २०१९ हा दिवस अमानोरा शाळेच्या पालकांच्या आयुष्यात काळा दिवस ठरला कारण त्यांच्या पाल्याचे transfer certificate TC ‌घरी आले

आंदोलन व्हिडीओ

आमनोरा शाळा व्यवस्थापन यांच्या मनमानी कारभारा विरुद्ध गेले 2 – 3 वर्षे पालक लढा देत आहेत पालकांनी कायदेशीर व योग्य असणारी फी भरून सुध्दा शाळेने पालकविरुद्ध TC पाठवून RTE Act २००९ मधील कलम १६ व १७ चे उल्लंघन केलेलं आहे

माननीय शिक्षण उपसंचालक , माननीय शिक्षण संचालक, माननीय शिक्षण अधिकारी जिल्हा परिषद, प्रशासकीय अधिकारी मनपा, माननीय शिक्षण मंत्री महाराष्ट्र शासन यांनी दिलेल्या ऑर्डरचे शाळेने पालन केले नाही फी ठरविण्याचा अधिकार शाळा व EPTA समिती ला असून शाळेची या समितीची निवड गेली १० वर्षे अपारदर्शक पद्धतीने करण्यात आलेली आहे, फी नियमा विरुद्ध व बेकायदेशीर आहे शाळेची शासकीय स्तरावरून तीन वेळा चौकशी करण्यात आली आहे व तिन्ही वेळेस शाळा ही दोषी आढळून आलेली असून तिचे NOC ( ना हरकत प्रमाणपत्र ) रद्द करण्याची शिफारस केलेली आहे व शाळेवर दंडात्मक कारवाई करण्याचे आदेश शिक्षण उपसंचालक यांनी दिलेले आहेत शाळा २०१० पासून NOC न घेता शाळा नफेखोरी तत्वावर अवाजवी फी आकारून चालवण्यात आलेली आहे व अजूनही शाळा कायद्याचं उल्लंघन करून चालवण्यात येत आहे शाळेच्या मुख्याध्यापिका या सुदधा शिस्तभंगाच्या कारवाईस पात्र आहे असे अहवालामध्ये स्पष्टपणे नमूद केलेले आहे त्या पालकांच्या तक्रारी चे निवारण न करता अतिशय उद्धट पध्दतीने वागवतात FRA ( fee regulation act ) नुसार शाळेला दोन वर्षातून एकदा जास्तीत जास्त १५% फी वाढिचा अधिकार असताना शाळेने २०१० पासून दरवर्षी फी वाढवून वेगवेगळ्या नावाने पालकांकडून अवाजवी फी आकरलेली आहे ऍडमिशन फी ही कायद्यानुसार एक महिन्याच्या टर्म फी इतकी असावी असे असताना शाळेने रुपये ९३०००/- इतकी अवास्तव फी घेते अशारितीने शाळा नफेखोरी करत असून पालक व पाल्याचा मानसिक छळ करत आहे

१ मार्च २०१९ रोजी माननीय शिक्षण मंत्री महाराष्ट्र शासन श्री विनोद तावडे यांनी मुंबई येथे शाळा व्यवस्थापन, पालक प्रतिनिधी व शिक्षण अधिकारी यांची सुनावणी घेतली होती त्यात मंत्री महोदयांनी मुलांना शाळेतून काढता येणार नाही असे स्पष्ट केले होते तरीसुद्धा शाळेने नियम डावलून मुलांना TC देण्याची कारवाई केली यावरून असे स्पष्ट दिसते की शाळेचा कारभार मनमानी व दांडेलशाही स्वरूपाचा आहे.

महाराष्ट्र शासनाने शालेय शुल्क निर्धारणासाठी केलेल्या कायदा व नियमानुसार शाळेने पालक-शिक्षक संधाच्या कार्यकारीणी समितीची स्थापना केली. या कार्यकारी समिती ने शालेय शुल्काचा शैक्षणिक वर्ष २०१८-१८,२०१९-२० साठी ठराव घेतला. या ठरावानुसार सर्व पालक वर्गाने शालेय शुल्काचा भरणा करावा अशी विनंती शालेय व्यवस्थापनाने केली.

शाळेतील काही पालकांना या संदर्भाने असलेल्या शंकांचे निरसन करण्याचा आम्ही कायम प्रयत्न केला. शाळेने वारंवार विनंती करूनही काही पालकांनी शैक्षणिक वर्ष २०१७-१८ व २०१८-१९ च्या शैक्षणिक शुल्काचा संपुर्ण वा अंशात: भरणा केला नाही. शालेय शुल्काचा भरणा न करणार्या पालकाच्या पाल्यांचे कुठलेही शैक्षणिक नुकसान होणारं नाही याची संस्थेने मागील दोन वर्षात काळजी घेतली आहे. हे विद्यार्थ्यी कुठल्याही शैक्षणिक सोयी – सुविधांनपासून वंचीत राहणार नाहीत याची संपुर्ण खबरदारी आम्ही घेतली आहे.
या सर्वाचा शाळेच्या आर्थिक स्वास्थ्यावर प्रतिगामी परिणाम होत आहे. शाळेचे शैक्षणिक शुल्क वेळेवर भरणार्या २७०० विद्यार्थी व ५४०० पालकांच्या सहकार्याच्या भावनेचा न्याय व आदर करणेही आवश्यक आहे. सदरील पालकांना वारंवार विनंती करूनही त्यांनी सदरील शुल्काचा भरणा न केल्यामुळे सदरील विद्यार्थ्यांचा प्रवेश रद्द करण्याशिवाय आमच्या कडे कुठलाही पर्याय राहिला नाही. त्यांनी शुल्काचा भरणा केल्यास सदरील विद्यार्थ्यांचा पुन: प्रवेश करण्यास कुठलीही अडचण नाही.

विक्रम बा देशमुख
प्रवक्ता, ॲमेनोरा नाॅलेज फाउंडेशन