मुंबई

मातोश्री विरोध भोवला; शिवसेनेच्या विरोधामुळे किरीट सोमय्या चा पत्ता कट ; ईशान्य मुंबईमधून मनोज कोटक

मुंबई :(रोखठोक महाराष्ट्र ऑनलाईन न्युज)

ईशान्य मुंबई लोकसभा मतदारसंघातून भाजप-शिवसेना युतीचा उमेदवार कोण?, या प्रश्नाचे उत्तर अखेर मिळाले आहे. विद्यमान खासदार किरीट सोमय्या यांचा पत्ता कापण्यात आला असून सोमय्या यांच्याऐवजी या मतदारसंघातून मुंबई महापालिकेतील भाजपचे गटनेते मनोज कोटक यांना उमेदवारी जाहीर करण्यात आली आहे.
भाजपचे महाराष्ट्रातील अन्य सर्व उमेदवार जाहीर झाले तरी ईशान्य मुंबईचा तिढा काही संपला नव्हता. या मतदारसंघातून किरीट सोमय्या यांना उमेदवारी देण्यास भाजपचा मित्रपक्ष शिवसेनेने कडाडून विरोध केला होता. शिवसेनेचे विक्रोळीचे आमदार सुनील राऊत यांनी तर सोमय्या यांच्या उमेदवारीला थेट आव्हान दिले होते. सोमय्या यांना उमेदवारी दिल्यास आपण अपक्ष उमेदवारी अर्ज दाखल करणार, असा इशारा राऊत यांनी दिला होता. त्यातच भाजपमधील एक गट सोमय्या यांच्यावर नाराज होता. त्यामुळेच केंद्रीय निवडणूक समितीकडे सोमय्या यांचे नाव पाठवलेले असतानाही ऐनवेळी हे नाव मागे घ्यावे लागले आहे.

सोमय्या यांच्याऐवजी या मतदारसंघातून मनोज कोटक यांना उमेदवारी देण्यात आली आहे. कोटक यांनी मुंबई महापालिकेत प्रदीर्घ काळ नगरसेवक म्हणून काम केले असून शिवसेनेसोबतही त्यांचा चांगला समन्वय आहे. कोटक यांच्या उमेदवारीमुळे या मतदारसंघातील भाजप-शिवसेनेतील कलह आता शांत होईल, अशी चिन्हे आहेत.

सोमय्या यांना ‘मातोश्री’विरोध भोवला!

भाजप-शिवसेना यांच्यातील दुरावा संपुष्टात आला असला तरी किरीट सोमय्या यांनी शिवसेना पक्षप्रमुख उद्धव ठाकरे यांच्यावर केलेला थेट हल्ला शिवसैनिक विसरले नाहीत. मुंबई महापालिका निवडणुकीवेळी किरीट सोमय्या यांनी शिवसेना पक्षप्रमुख उद्धव ठाकरे यांच्यावर गंभीर आरोप केले होते. उद्धव ठाकरेंना लक्ष्य करताना सोमय्या यांनी वांद्र्याचा बॉस, मुंबईचे माफिया असे शब्द वापरले होते. ही टीकाच सोमय्या यांना भोवली व त्यांचा पत्ता कापण्यात आला, असे सांगण्यात येत आहे.

कोटक सलग तीनवेळा नगरसेवक

मनोज कोटक यांनी पालिकेत उत्तम प्रकारे काम केले आहे. २००७ पासून ते मुंबई महापालिकेत नगरसेवक असून २००७, २०१२ आणि २०१७ असे सलग तीनवेळा ते मुलुंडमधून निवडून आले आहेत. मुंबई पालिकेत गेली साडेचार वर्षे ते भाजपचे गटनेते आहेत.

0 0 votes
Article Rating
Subscribe
Notify of
2 Comments
Oldest
Newest Most Voted
Inline Feedbacks
View all comments
6 months ago

Do you have a spam problem on this site; I also am a blogger, and
I was curious about your situation; many of us have created some nice procedures and we are looking to exchange solutions with
other folks, why not shoot me an e-mail if interested.

2 months ago

O software de monitoramento remoto do celular pode obter os dados em tempo real do celular de destino sem ser descoberto e pode ajudar a monitorar o conteúdo da conversa.

Comment here

2
0
Would love your thoughts, please comment.x
()
x