सासूवर चाकूने जीवघेणा हल्ला; सुनेला 24 तासांत अटक.
Rokhthok Maharashtra
4
0
सासूवर चाकूने जीवघेणा हल्ला; सुनेला 24 तासांत अटक..
हैदराबादच्या सिकंदराबाद परिसरात सासूवर चाकूने हल्ला करून खून करण्याचा प्रयत्न केल्याची धक्कादायक घटना समोर आली आहे. या प्रकरणी पोलिसांनी 33 वर्षीय डी. विजयलक्ष्मी हिला अवघ्या 24 तासांत अटक केली आहे.
पोलिसांनी दिलेल्या माहितीनुसार, 21 जुलै रोजी सकाळी 9 वाजण्याच्या सुमारास चिलकलगुडा येथील एरुकला बस्तीमध्ये ही घटना घडली. पीडित देवराई पद्मावती (वय 57) या घराच्या पहिल्या मजल्यावर एकट्या असताना आरोपी विजयलक्ष्मीने स्वयंपाकघरातील धारदार चाकू घेऊन घरात प्रवेश केला आणि त्यांच्यावर हल्ला केल्याचा आरोप आहे.
घटनेची माहिती मिळताच चिलकलगुडा पोलिसांनी तातडीने तपास सुरू केला आणि अवघ्या 24 तासांत आरोपीला अटक केली. न्यायालयाने विजयलक्ष्मीला न्यायालयीन कोठडी सुनावली असून या प्रकरणाचा पुढील तपास सुरू आहे.
