हडपसर पोलिसांनी पुन्हा एकदा आपली तत्परता आणि संवेदनशीलता सिद्ध केली आहे. अवघ्या दोन तासांत हरवलेल्या तीन मुलींचा शोध लावून त्यांना सुरक्षितरित्या पालकांच्या स्वाधीन केल्याबद्दल शिवसेना आणि राजे क्लब शेवाळवाडी तर्फे पोलिसांचा गौरव करण्यात आला.
हडपसर परिसरातील साधना शाळेतील तीन मुली शाळा सुटल्यानंतर घरी जात असताना अचानक हरवल्याची घटना घडली.
या घटनेची माहिती मिळताच हडपसर पोलिसांनी वरिष्ठ पोलीस निरीक्षक संजय मोगले यांच्या मार्गदर्शनाखाली तातडीने तपास सुरू केला.
अवघ्या दोन तासांच्या आत पोलिसांनी या तिन्ही मुलींचा ठावठिकाणा लावला आणि त्यांना सुरक्षितपणे त्यांच्या पालकांकडे सुपूर्द केले.
या तत्पर आणि कौतुकास्पद कारवाईबद्दल हडपसर पोलिसांचे सर्वत्र अभिनंदन होत आहे.
या प्रशंसनीय कामगिरीबद्दल राजे क्लब शेवाळवाडी आणि राजे क्लबचे संस्थापक अध्यक्ष अमित (अण्णा) पवार यांनी वरिष्ठ पोलीस निरीक्षक संजय मोगले यांचा सत्कार करून त्यांचे अभिनंदन केले.
कार्यक्रमाला राजे क्लबचे सदस्य संजीव पडवलकर, संतोष कदम, सागर नाटीकर आणि हडपसर पोलिस अधिकारी उपस्थित होते.
“पोलीस हे समाजाचे खरे रक्षक आहेत. नागरिकांच्या सुरक्षिततेसाठी ते दिवस-रात्र झटत असतात.
हरवलेल्या मुलींना कमी वेळेत शोधून काढणे ही अत्यंत प्रशंसनीय बाब आहे.
अशा कामगिरीमुळे जनतेचा पोलिसांवरील विश्वास अधिक दृढ होतो.”
अमित (अण्णा) पवार – राजे क्लबचे संस्थापक अध्यक्ष
हडपसर पोलिसांच्या या जलद आणि संवेदनशील कारवाईमुळे परिसरात पोलीस दलाबद्दलचा आदर आणि विश्वास अधिकच वाढला आहे.
राजे क्लब व शिवसेनेचा हा उपक्रम म्हणजे जनतेचा पोलिसांप्रती कृतज्ञतेचा एक सुंदर नमुना आहे.
