दरोडा व वाहनचोरी पथकाने अट्टल गुन्हेगारांना ठोकल्या बेड्या – आरोपीला हडपसरमधून अटक

पुणे ः प्रतिनिधी
गजानन मारणेच्या तळोजा तुरुंगामधून सुटकेच्या रॅलीत सहभागी झालेला आरोपी लोणी काळभोर आणि तळेगाव पोलीस स्टेशनमध्ये दाखल गुन्ह्यातील आरोपीला हडपसरमधून अटक केली. दरोडा व वाहनचोरी पथकाने शुक्रवारी (दि. २५ जून) कारवाई केली.

ऋषिकेश उर्फ ऋषा अनिल सोनवणे (वय २४, रा. मांजरी, हडपसर, पुणे) आणि फिरोज उर्फ मुन्ना दिलदार पठाण (वय ३७, रा. इंदिरानगर लोणी काळभोर, पुणे) अशी अटक केलेल्यांची नावे आहेत.सहायक पोलीस निरीक्षक विवेक पाडवी, पोलीस उपनिरीक्षक गुंगा जगताप, पोलीस हवालदार शाकीर खान, राजेश अभंगे, विनायक रामाणे, पोलीस नाईक शिवाजी जाधव, मनोज खरपुडे, अमोल सरतापे गस्त घालत होते. त्यावेळी पोलीस नाईक मनोज खरपुडे यांना तळेगाव दाभाडे पोलीस स्टेशनमध्ये दाखल गुन्ह्यातील आरोपी हडपसरमधील रुचिता हॉटेल येथे आल्याची माहिती मिळाली.त्यानुसार सापळा रचून आरोपीला ताब्यात घेऊन तपास केला असता त्याने मुन्ना पठाण याची माहिती दिली, त्यानंतर त्यालाही लोणी काळभोर येथे पकडले. दोन्ही आरोपींना शिरगाव पोलीस चौकी अंकित तळेगाव दाभाडे पोलीस स्टेशन येथे पुढील कारवाईसाठी हजर केले. दोन्ही आरोपींवर लोणी काळभोर, पाचगणी, वानवडी पोलीस स्टेशनमध्ये गंभीर गुन्हे दाखल आहेत.अपर पोलीस आयुक्त अशोक मोराळे, पोलीस उपायुक्त श्रीनिवास घाडगे, सहायक पोलीस आयुक्त लक्ष्मण बोराटे, वाहनचोरीविरोधी पथकाचे पोलीस निरीक्षक सुनील पंधरकर यांच्या मार्गदर्शनाखाली
सहायक पोलीस निरीक्षक विवेक पाडवी, पोलीस उपनिरीक्षक गुंगा जगताप, पोलीस अंमलदार बुवा कांबळे, उदय काळभोर, शाकिर खान, राजेश अभंगे, विनायक रामाणे, राजेश लोखंडे, मनोज शिंदे, मनोज खरपुडे, शिवाजी जाधव, गणेश लोखंडे, अमोल सरतापे
यांचे पथकाने ही कारवाई केली.