गारपीट का होते? गारा कशा तयार होतात जाणून घ्या सोप्या भाषेत

अनेक ठिकाणी सध्या गारपीट होताना दिसत आहे. पण गारा नेमक्या कशा तयार होतात, हे जाणून घेणं महत्त्वाचं आहे.

कडक उन्हामुळे जमिनीवरील हवा खूप गरम होते आणि ती बाष्पासह वेगाने वरच्या दिशेने जाते. ही हवा वातावरणात खूप उंचावर पोहोचते, जिथे तापमान खूप कमी असतं.

या थंड वातावरणात पाण्याचे थेंब गोठून लहान बर्फाच्या कणांमध्ये बदलतात. हे कण वाऱ्यामुळे वर-खाली फिरत राहतात आणि त्यावर सतत पाण्याचे थर साचत जातात. त्यामुळे गारा हळूहळू मोठ्या आणि जड होतात.

जेव्हा या गारा खूप जड होतात, तेव्हा त्या वेगाने जमिनीवर पडतात. यालाच आपण गारपीट म्हणतो.

विशेषतः क्युमुलोनिंबस ढग, जास्त आर्द्रता आणि उन्हाळ्याच्या सुरुवातीला तयार होणारे वादळी वातावरण यामुळे गारपीट होण्याची शक्यता जास्त असते.