पुण्यातील फुरसुंगी हादरली! तरुणांचा गोळीबार करतानाचा व्हिडिओ चर्चेत

पुण्यातील फुरसुंगी परिसरातून एक धक्कादायक प्रकार समोर आला आहे. सोशल मीडियावर व्हायरल झालेल्या एका व्हिडिओमध्ये काही तरुण रात्रीच्या अंधारात गोळीबार करताना दिसत आहेत. संबंधित तरुणांच्या हातात शस्त्र असून ते हवेत गोळ्या झाडत असल्याचे व्हिडिओमध्ये दिसत आहे.
या घटनेमुळे परिसरात भीतीचे वातावरण निर्माण झाले असून स्थानिक नागरिकांमध्ये चिंतेची भावना व्यक्त केली जात आहे. रात्रीच्या शांततेत झालेल्या या प्रकारामुळे कायदा आणि सुव्यवस्थेचा प्रश्नही उपस्थित झाला आहे.
व्हिडिओ पोलिसांपर्यंत पोहोचला असून त्याची सत्यता पडताळण्याचे काम सुरू आहे. तसेच संबंधित तरुणांची ओळख पटवून त्यांच्यावर योग्य ती कारवाई करण्यात येणार असल्याची माहिती पोलिसांकडून देण्यात आली आहे.