धनुष्यबाणावर पुन्हा घमासान! कपिल सिब्बलांचा मोठा दावा; आधी आमदार अपात्रता की शिवसेना कोणाची?

शिवसेना आणि ‘धनुष्यबाण’ या पक्षचिन्हावरून पुन्हा एकदा सुप्रीम कोर्टात घमासान सुरू आहे!
18 ऑगस्टच्या सुनावणीत उद्धव ठाकरे गटाचे ज्येष्ठ वकील कपिल सिब्बल यांनी आमदारांच्या अपात्रतेचा मुद्दा थेट पक्षाच्या ओळखीशी जोडला.
सिब्बल यांचा महत्त्वाचा सवाल — आधी आमदारांची अपात्रता ठरवायची की आधी कोणता गट खरी शिवसेना आहे, हे ठरवायचं?
त्यांच्या युक्तिवादानुसार, आमदारांच्या अपात्रतेची मागणी आधीच करण्यात आली होती. त्यानंतर पक्षाच्या राज्यघटनेत बदल झाल्याचा दावा करण्यात आला. त्यामुळे अपात्र ठरू शकणाऱ्या आमदारांचे संख्याबळ पक्षाची ओळख ठरवण्यासाठी वापरणे योग्य नाही.
सिब्बल यांनी दहाव्या अनुसूचीचा आधार घेत आणखी एक महत्त्वाचा मुद्दा मांडला. विधिमंडळ पक्ष म्हणजेच संपूर्ण राजकीय पक्ष नाही. केवळ आमदारांचे संख्याबळ जास्त आहे म्हणून तोच गट मूळ पक्ष ठरू शकत नाही, असा त्यांचा युक्तिवाद आहे.
याच मुद्द्याचा थेट संबंध ‘धनुष्यबाण’ चिन्हाच्या निर्णयाशी जोडला जात आहे. निवडणूक आयोगाने हे चिन्ह शिंदे गटाला दिलं होतं.
आता सुप्रीम कोर्टाच्या सुनावणीत आमदार अपात्रता, पक्षाची खरी ओळख आणि धनुष्यबाण चिन्ह या तिन्ही मुद्द्यांवर काय भूमिका घेतली जाते, याकडे महाराष्ट्राचं लक्ष लागलं आहे.