मानसोपचार तज्ज्ञ डॉ. हिमिका अग्रवाल यांचे दुर्दैवी निधन; पोलिसांचा तपास सुरू

मनाचं आरोग्य जपण्यासाठी रुग्णांना मार्गदर्शन करणाऱ्या एका महिला मानसोपचार तज्ज्ञांच्या निधनाची अत्यंत दु:खद घटना समोर आली आहे.
40 वर्षीय डॉ. हिमिका अग्रवाल यांचे गाझियाबादमधील त्यांच्या राहत्या सोसायटीत निधन झाले. पोलिसांनी दिलेल्या माहितीनुसार, 2 ऑगस्ट रोजी ही घटना घडली असून प्रकरणाचा तपास सुरू आहे.
कुटुंबीयांच्या माहितीनुसार, दीड वर्षांपूर्वी झालेल्या घटस्फोटानंतर त्या मानसिक तणावाचा सामना करत होत्या. मात्र, या घटनेमागील नेमकं कारण अद्याप स्पष्ट झालेलं नाही. पोलिसांना घटनास्थळावर कोणतीही चिठ्ठी मिळालेली नसून, पोस्टमॉर्टम अहवाल आणि तपासानंतरच पुढील माहिती स्पष्ट होणार आहे.
या घटनेने मानसिक आरोग्याबाबत पुन्हा एकदा गंभीर चर्चा सुरू झाली आहे. मानसिक तणाव कोणालाही येऊ शकतो आणि वेळेत मदत घेणे अत्यंत महत्त्वाचे असते.
या प्रकरणाचा तपास सुरू असून अधिकृत माहिती समोर आल्यानंतरच पुढील बाबी स्पष्ट होतील