पतीशी वादानंतर आईने 14 वर्षीय मुलीसह संपवलं जीवन | सोलापुरात हळहळ

सोलापूर शहरातून अत्यंत हृदयद्रावक घटना समोर आली आहे. सुशील नगर परिसरातील 33 वर्षीय वर्षा आधटराव यांनी आपल्या 14 वर्षीय मुलगी स्वरा हिच्यासह धावत्या रेल्वेखाली उडी घेत जीवन संपवल्याची घटना घडली आहे.
रविवारी पहाटे विजापूर रोड परिसरातील रेल्वे रुळांवर दोघींचे मृतदेह आढळून आले. घटनेची माहिती मिळताच रेल्वे पोलिसांनी घटनास्थळी धाव घेत पंचनामा करून मृतदेह शवविच्छेदनासाठी पाठवले.
प्राथमिक माहितीनुसार, शनिवारी रात्री वर्षा यांचा पती पांडुरंग यांच्याशी वाद झाला होता. त्यानंतर त्या मुलीला घेऊन घराबाहेर पडल्या. कुटुंबीयांनी शोध घेतल्यानंतर बेपत्ता असल्याची तक्रारही दाखल करण्यात आली होती.
तपासादरम्यान रेल्वे रुळांवर मायलेकींचे मृतदेह सापडले. पोलिसांच्या माहितीनुसार, वर्षा आणि पांडुरंग हे नात्यातील असून आत्याच्या मुलाशी त्यांचा विवाह झाला होता. या दुर्दैवी घटनेमागील नेमके कारण अद्याप स्पष्ट झालेले नाही. पोलिस पुढील तपास करत आहेत.
जर तुम्ही किंवा तुमच्या ओळखीतील कोणी तीव्र मानसिक तणावाचा सामना करत असेल, तर कृपया विश्वासू व्यक्तीशी किंवा मानसिक आरोग्य तज्ज्ञाशी तातडीने संपर्क साधा. मदत उपलब्ध असते.