*नरेंद्र मोदींची पुन्हा एकदा शिवाजी महाराजांशी तर अमित शहांशी तानाजी मालूसरेंशी तुलना; #दिल्ली निवडणूक प्रचारासाठी बनवलेला व्हिडीओ व्हायरल*..

पोलिटिकल किडा या ट्विटर हँडलवर ही चित्रफित टाकल्यानंतर त्यावर महाराष्ट्रातून तीव्र प्रतिक्रिया टाकण्यात आल्या आहेत. ही चित्रफित तत्काळ मागे घ्यावी अन्यथा याचे परिणाम फार वाईट होतील, असे यातील शेकडो प्रतिक्रियांमध्ये म्हटले आहे. केजरीवाल यांना उदयभान राठोड दाखवले असून नरेंद्र मोदी व अमित शहा हे कोंढाणा किल्ल्याप्रमाणे दिल्लीसाठी युद्ध करायला तयार असल्याचे दाखविण्यात आले आहे. शाहीन बाग से उन्होंने वोट बँक की राजनिती शुरू की है, आखरी दांव हम खेलेंगे, असे संवादही यात दाखवले गेले आले आहेत. चित्रफितीच्या शेवची दिल्ली इलेक्शन २०२० असे इंग्रजीतील वाक्य असून भगव्या झेंड्याच्या पार्श्वभूमीवर अमित शहा हे तनाजीच्या वेषात व त्याच्यासोबत ‘शहा जी’ अशी अक्षरेही या चित्रफितीत झळकतात.