मुंबई- बंगळुरू मार्गावर झालेल्या भीषण अपघातात संगणक अभियंता पती, पत्नी गंभीर जखमी झाले आहेत. ही घटना (गुरुवार) आज दुपारी घडली. या अपघातात राजीव दुबे व वर्षा दुबे हे दाम्पत्य जखमी झाले आहेत.
मोटारीवरील ताबा सुटल्याने मोटार थेट पुलावरून 50 फूट खोल मुळा नदी पात्रात कोसळली. मात्र, दैव बलवत्तर असल्याने या भीषण अपघातात कोणतीही जीवीतहानी झाली नाही. संगणक अभियंता असलेले राजीव दुबे यांची प्रकृती गंभीर असून ते बेशुद्ध आहेत.
पोलिसांनी दिलेल्या माहितीनुसार, राजीव आणि वर्षा हे दाम्पत्य पुण्यातून वाकडच्या दिशेने मोटारीने (एम.एच-१२ एफ.यु- ४७६४) येत होते. दरम्यान राजीव यांचा मोटारीवरील ताबा सुटला आणि दुभाजक तोडून मोटार पुलावरून थेट नदी पात्रात कोसळली. या भीषण भीषण अपघातात राजीव यांच्या डोक्याला आणि छातीत मार लागला आहे. तर दोघांवरही खासगी रुग्णालयात उपचार सुरू आहेत. घटनेचे अधिक तपास हिंजवडी पोलीस तपास करत आहेत.
